ດ້ວຍຄວາມມຸ່ງໝັ້ນໃນການຫັນປ່ຽນພຶດຕິກຳເພື່ອຫຼຸດຜ່ອນການນຳໃຊ້ ແລະ ສ້າງສິ່ງເສດເຫຼືອປລາສຕິກທີ່ໃຊ້ເທື່ອດຽວຂອງເມືອງ ແລະ ຊຸມຊົນ, ສະຖາບັນຍຸດທະສາດທາງສິ່ງແວດລ້ອມໂລກ (IGES) ຮ່ວມກັບ ສູນຄວາມຮູ້ດ້ານເສດປລາສຕິກທາງທະເລ Regional Knowledge Centre for Marine Plastic Debris ໄດ້ມີການເປີດຕົວໂຄງການ Breaking the Plastic Habit ໃນອາຊີ ໄລຍະທີ 2 ຄຽງຄູ່ໄປກັບການເຝິກອົບຮົມໃຫ້ແກ່ບັນດາຄູ່ຮ່ວມມືພາຍໃຕ້ໂຄງການ ເມື່ອວັນທີ 16-18 ເດືອນ ຕຸລາ, ທີ່ນະຄອນຫຼວງ ຈາກາຕ້າ, ປະເທດອິນໂດເນເຊຍ.

ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.