ມົນລະພິດຈາກໄຟໄໝ້ປ່າ ເປັນສາເຫດການເສຍຊີວິດຈາກໂລກຫົວໃຈ ແລະ ພະຍາດລະບົບທາງເດີນຫາຍໃຈ
ມົນລະພິດຈາກໄຟໄໝ້ປ່າ ເປັນສາເຫດການເສຍຊີວິດຈາກໂລກຫົວໃຈ ແລະ ພະຍາດລະບົບທາງເດີນຫາຍໃຈ
17 November, 2021
Share now
ຄວັນຈາກໄຟໄໝ້ປ່ານັ້ນສາມາດສ້າງຝຸ່ນລະອອງຂະໜາດນ້ອຍ PM 2.5 ທີ່ກໍ່ມົນລະພິດອັນຕະລາຍຢ່າງມະຫາສານຕໍ່ສິ່ງແວດລ້ອມ ແລະ ສຸຂະພາບຂອງມະນຸດ, ເພາະມັນສາມາດເຂົ້າສູ່ກະແສເລືອດຜ່ານທາງເຍື່ອຫຸ້ມປອດໄດ້ ແລະ ລ່ອງລອຍໃນອາກາດເປັນເວລາຍາວນານ.

ຄວັນຈາກໄຟປ່າສາມາດແຜ່ກະຈາຍໄດ້ 1,000​ ກິໂລແມັດ ແລະ PM 2.5 ດັ່ງກ່າວແມ່ນມີສານເຄມີທີ່ເປັນອັນຕະລາຍເຈືອປົນຢູ່ເຊັ່ນ: ສານ Polycyclic Aromatic Hydrocarbons (PAH) ແລະ ສານ Aldehydes ທີ່ກໍ່ໃຫ້ເກີດຂະບວນການ Oxidation ແລະ ການອັກເສບທີ່ອັນຕະລາຍໃນຮ່າງກາຍ. ການສຶກສາພົບວ່າ ການຮັບສໍາຜັດກັບມົນລະພິດຈາກໄຟໄໝ້ປ່ານັ້ນ ເຮັດໃຫ້ມີຜູ້ເສຍຊີວິດເກືອບ 33,500 ຄົນຕໍ່ປີ. ຈໍານວນຜູ້ທີ່ເສຍຊີວິດຈາກໂລກຫຼອດເລືອດຫົວໃຈ 7,000​ ຄົນ ແລະ ຈາກພະຍາດລະບົບທາງເດີນຫາຍໃຈ 3,500 ຄົນ.

ນອກນັ້ນ, ຈາກການສຶກສາການເສີຍຊີວິດຈາກທຸກສາເຫດ ຈໍານວນ 65.6 ລ້ານຄົນ ໃນຊ່ວງປີ 2000-2016 ຈາກ 749 ເມືອງ ໃນ 43 ປະເທດທົ່ວໂລກ, ພົບວ່າມີຈໍານວນຜູ້ເສຍຊີວິດ 15.1 ລ້ານຄົນ ແມ່ນເສຍຊີວິດຈາກ ສາເຫດຂອງໂລກຫົວໃຈ ແລະ ໂລກຫຼອດເລືອດ, ຈໍານວນ 6.8 ລ້ານຄົນ ເສຍຊີວິດຈາກ “ສາເຫດຂອງລະບົບທາງເດີນຫາຍໃຈ. ປະເທດທີ່ມີອັດຕາການເສຍຊີວິດຈາກການສໍາຜັດຄວັນໄຟໄໝ້ປ່າ ແລະ ຝຸ່ນ PM 2.5 ສູງທີ່ສຸດ ແມ່ນປະເທດໄທ ຈໍານວນ 2.32%, ປາຣາກວຍ 2.09% ແລະ ແມັກຊີໂກ 1.72%. ຕິດຕາມເວັບໄຊທ໌ຂ່າວຂອງພວກເຮົາໄວໆນີ້. ແຫຼ່ງ

ຂໍ້ມູນຈາກ: https://www.scidev.net/asia-pacific/news/wildfire-pollution-linked-to-fatal-heart-respiratory-illness/?fbclid=IwAR3lI8GRhg_xl652waFEX0mOvnu-ajUyYRVgyPBevZ9u6wrVxBv-3V2UhPQ

#EconewsLaos#COP26#ClimateChange#NetZero

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
08 October, 2024
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
25 September, 2024
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
ດັດຊະນີປະສິດທິພາບດ້ານສິ່ງແວດລ້ອມປີ 2024 (Environmental Performance Index : EPI) ເຊິ່ງຈັດໂດຍສູນກົດໝາຍ ແລະ ນະໂຍບາຍສິ່ງແວດລ້ອມແຫ່ງມະຫາວິທະຍາໄລເຢລ (Yale Center for Environmental Law & Policy) ແລະ ສູນເຄືອຂ່າຍຂໍ້ມູນວິທະຍາສາດໂລກຂອງມະຫາວິທະຍາໄລໂຄລໍາເບຍ (Columbia) ເຊິ່ງໄດ້​ເຜີຍແຜ່ຜົນການຈັດ​ອັນ​ດັບ​​ປະ​ເທດຕ່າງໆ​​ທົ່ວ​ໂລກ​ໃນດ້ານຄວາມ​ຍືນ​ຍົງ ​ແລະ ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​.