ເຫດການໄຟໄໝ້ສະໜາມຂີ້ເຫຍື້ອໃນຄັ້ງນີ້ ຄາດວ່າມີສາເຫດມາຈາກການຂາດສະຕິຕື່ນຕົວຂອງບຸກຄົນທີ່ເຂົ້າໄປໄຈ້ແຍກສີ່ງເສດເຫຼືອຈາກຂີ້ເຫຍື້ອ ໂດຍເຮັດໃຫ້ເກີດມັດໄຟໃສ່ຂີ້ເຫຍື້ອທີ່ເປັນອາຍແກ໊ສ. ແນວໃດກໍຕາມ, ການດຳເນີນການດັບມອບໄຟດັ່ງກ່າວຍັງມີ ຄວາມທ້າທ້າຍ ເນື່ອງຈາກຂອບເຂດຂອງບໍລິເວນທີ່ເກີດເຫດມີເນື້ອທີ່ກວ້າງ ແລະ ມີຄວາມເລິກຫລາຍແມັດ ເຊີ່ງ ອ່າງເກັບຂີ້ເຫຍື້ອນັ້ນມີຂີ້ເຫຍື້ອຖືກທັບຖົມ ແລະ ກອງສູງເປັນ 3 ຊັ້ນ ໂດຍອຸປະສັກໃນການດັບໄຟແມ່ນຄາດວ່າໄຟໄດ້ລຸກໄໝ້ຮອດຊັ້ນທຳອິດຂອງອ່າງເກັບຂີ້ເຫຍື້ອ.
ຍິ່ງໄປກວ່ານັ້ນ, ການປະຕິບັດຕົວຈິງຕໍ່ການດັບມອບໄຟໃນສະໜາມ ແມ່ນຍັງດໍາເນີນຢູ່ ແລະ ຍັງປະສົບກັບຄວາມຫຍຸ້ງຍາກ ໂດຍສະເພາະຢ່າງຍິ່ງ ການຂາດງົບປະມານໃນການຈັດຊື້ນ້ຳມັນເຊື້ອໄຟ ແລະ ອຸປະກອນຈຳເປັນເພື່ອສະໜອງ ແລະ ຮັບໃຊ້ໃນການດັບມອດໄຟ. ພ້ອມດຽວກັນນັ້ນ, ບັນດາພາຫະນະ ແລະ ອຸປະກອນກົນຈັກທີ່ຮັບໃຊ້ຢູ່ພາຍໃນສະໜາມຂີ້ເຫຍື້ອຕ້ອງໄດ້ຮັບການບຳລຸງຮັກສາ ແລະ ສ້ອມແປງເປັນປະຈຳ. ໂດຍມາຮອດປັດຈຸບັນ, ສະຖານະການໄຟໄໝ້ດັ່ງກ່າວຍັງຫຼົງເຫຼືອພຽງແຕ່ຄວັນໄຟທີ່ປ່ອຍອອກມາຈາກແຫຼ່ງເກັບຂີ້ເຫຍື້ອ ແລະ ພາກສ່ວນທີ່ຮັບຜິດຊອບໄດ້ມີການຊີດນ້້ຳສະກັດຄວັນຢ່າງຕໍ່ເນື່ອງ ເຊີ່ງໄດ້ຮັບການຮ່ວມຢ່າງດີຈາກທັ້ງພາກລັດ ແລະ ບັນດາຫົວໜ່ວຍທຸລະກິດໃນການຊ່ວຍສະກັດກັ້ນໃນຄັ້ງນີ້. #econewslaos #wastemanagement #pollution #airpollution
ແຫຼ່ງອ້າງອີງ:
https://www.laophattananews.com/archives/154852?fbclid=IwAR1XmLL5aAWULWKkjn89b6YXR11KGJs32zj-AeTVLFS2QW_EmFFqU6I2KlA https://www.facebook.com/targetmagazinelaos/posts/pfbid02QE9m78S3DDcJy8ZjWTNUwXS9SaXCf8oNaQ8oEFdEjuTap5DKnPty7W5EPk1tsCotl
