ໃນກອງປະຊຸມຄັ້ງນີ້ ຖືເປັນໂອກາດອັນດີໃນການແລກປ່ຽນຄໍາຄິດເຫັນ ແລະ ສິ່ງທ້າທາຍສຳລັບທຸລະກິດທີ່ຜະລິດ ແລະ ປຸງແຕ່ງຜະລິດຕະພັນປລາສຕິກທີ່ນໍາໃຊ້ພຽງຄັ້ງດຽວ, ໂດຍແນໃສ່ ການສົ່ງເສີມຄວາມຮູ້ຄວາມເຂົ້າໃຈດ້ານຜົນກະທົບຂອງມົນລະພິດປລາສຕິກ ແລະ ໄພຂົ່ມຂູ່ຕໍ່ສຸຂະພາບ ແລະ ສິ່ງແວດລ້ອມຂອງຄົນເຮົາ.
ເພື່ອເປັນການຢຸດພາວະມົນລະພິດປລາສຕິກທີ່ຮ້າຍແຮງ, ສປປລາວ ກໍເປັນປະເທດໜຶ່ງທີ່ໄດ້ລົງນາມໃນມະຕິ 5/14 ຂອງອົງການສະພາສິ່ງແວດລ້ອມແຫ່ງສະຫະປະຊາຊາດ (UNEA) ທີ່ເປັນຂໍ້ຕົກລົງສາກົນທີ່ຜູກມັດທາງກົດໝາຍໃນປີ 2024, ເຊິ່ງຈະເປັນສິ່ງສຳຄັນສຳລັບບັນດາວິສາຫະກິດ ແລະ ຜູ້ວາງນະໂຍບາຍໃນການວາງແຜນ ເພື່ອການຫັນປ່ຽນໄປສູ່ການຖອນອອກຈາກມົນລະພິດທີ່ເກີດຈາກປລາສຕິກ.
ທ່ານນາງ Catherine Phuong ຮອງຜູ້ຕາງໜ້າອົງການ UNDP ຍັງໄດ້ໃຫ້ຄວາມເຫັນຕໍ່ກອງປະຊຸມທີ່ມີຄວາມໝາຍຄວາມສຳຄັນນີ້ວ່າ: “ການຮັບມືກັບມົນລະພິດປລາສຕິກບໍ່ແມ່ນທາງເລືອກ ແຕ່ມັນເປັນຄວາມຈໍາເປັນ”
.
UNDP Lao PDR Green Vientiane MONRE ກຊສ
ແຫຼ່ງທີ່ມາ: https://www.facebook.com/343751645665793/posts/7777827952258088/?sfnsn=mo