ກໍລະນີ ລົດບັນທຸກສານເຄມີ ໄດ້ເສຍຫຼັກປີ້ນຄວ້ຳ ໃນວັນທີ 3 ເມສາ 2024 ທີ່ ບ້ານພູຊ້າງຄຳ, ນະຄອນຫຼວງພະບາງ, ແຂວງຫຼວງພະບາງ ເວລາປະມານ 15:30 ໂມງ. ເຮັດໃຫ້ສານເຄມີຢູ່ໃນຖັງບັນທຸກເກີດຮົ່ວໄຫຼລົງສູ່ແມ່ນ້ຳຄານ ສົ່ງຜົນກະທົບຕໍ່ສິ່ງທີ່ມີຊີວິດໃນນ້ຳເປັນວົງກວ້າງ ເກີດມີປາຕາຍຟູໜ້ານ້ຳເປັນຈຳນວນຫຼວງຫຼາຍ.

ເຈົ້າໜ້າທີ່ໄດ້ແຈ້ງເຖິງບັນດາປະຊາຊົນຕາມບໍລິເວນທີ່ເກີດເຫດການດັ່ງກ່າວ ບໍ່ໃຫ້ລົງນ້ຳ ຫຼື ເກັບປາທີ່ຕາຍແລ້ວມາກິນເດັດຂາດ ເພາະແມ່ນ້ຳປົນເປື້ອນໄປດ້ວຍສານເຄມີ ແລະ ຂໍໃຫ້ປະຊາຊົນເປັນກະບອກສຽງຊ່ວຍກັນ ເພື່ອຄວາມປອດໄພຂອງທຸກຄົນ. #econewslaos #waterpollution