ຈາກການພັດຂື້ນຝັ່ງຂອງໄຕ້ຝຸ່ນນີ້, ພົບຜູ້ບາດເຈັບ 1 ລາຍເຊີ່ງສາເຫດມາຈາກຕົ້ນໄມ້ໃຫຍ່ລົ້ມທັບ ແລະ ມີລາຍງານຕົວເລກຜູ້ເສຍຊິວິດ 2 ຄົນ ຈາກໄຟຟ້າຊ໋ອດເນື່ອງຈາກເສົາໄຟຟ້າລົ້ມ. ປະຊາຊົນຫຼາຍກວ່າ 400,000 ຄົນໃນເຂດນະຄອນຊາງໄຮໄດ້ອົບພະຍົບອອກຈາກເມືອງ ແລະ ບາງເຂດໃກ້ຄຽງກໍໄດ້ຍົກຍ້າຍເຊັ່ນດຽວກັນ. ຍິ່ງໄປກວ່ານັ້ນ, ຖ້ຽວບິນຫຼາຍຮ້ອຍຖ້ຽວ, ການບໍລິການລົດໄຟ, ເຮືອຂ້າມຟາກ (ferry) ຕ່າງໆໄດ້ຖືກຍົກເລິກຊົ່ວຄາວ ແລະ ບັນດາທາງດ່ວນຕ່າງໆຖືກປິດກັ້ນການສັນຈອນ.
ໄຕ້ຝຸ່ນເບບິນຄາຖືເປັນພາຍຸທີ່ແຮງທີ່ສຸດທີ່ພັດເຂົ້ານະຄອນຊຽງໄຮໃນຮອບ 75 ປີ ເຊີ່ງໄດ້ສ້າງຄວາມເສຍຫາຍທາງດ້ານຊິວິດ, ຊັບສິນ ແລະ ກິດຈະກຳສຳຄັນຕ່າງໆໄດ້ຖືກຢຸດສະງັກ ໂດຍສະເພາະໃນຊ່ວງນີ້ທີ່ມີບັນດາເທດສະການໄຫວ້ພະຈັນ ແລະ ເທດສະການສຳຄັນອື່ນໆ ເຊີ່ງຫຼາຍໆຄອບຄົວໄດ້ມີການວາງແຜນເດີນທາງເພື່ອສະເຫຼີມສະຫຼອງເທດສະການດັ່ງກ່າວ. ແນວໃດກໍຕາມ, ການເຂົ້າມາຂອງໄຕ້ຝຸ່ນນີ້ກໍເຮັດໃຫ້ແຜນການທ່ອງທ່ຽວອາດໄດ້ຖືກຍົກເລິກ ຫຼື ເລື່ອນອອກໄປຈົນກວ່າສະຖານະການຈະກັບມາເປັນປົກກະຕິ.
#econewslaos
ແຫຼ່ງຂໍ້ມູນອ້າງອີງ:
