ໃນກອງປະຊຸມໄດ້ມີການໂອ້ລົມ, ແລກປ່ຽນ ແລະ ປຶກສາຫາລືໃນດ້ານການພັດທະນາຂອງຕົວເມືອງແບບຍືນຍົງໃນອະນາຄົດ ໂດຍໄດ້ເນັ້ນໃສ່ 5 ຂອບເຂດທີ່ສຳຄັນໄດ້ແກ່: ຕົວເມືອງທີ່ໜ້າຢູ່ ແລະ ຍືນຍົງ; ການທ່ອງທ່ຽວສີຂຽວ; ການພັດທະນາເສດຖະກິດແບບຍືນຍົງ; ຕົວເມືອງທີ່ມີຄວາມຍືນຍົງດ້ານສິ່ງແວດລ້ອມ ແລະ ຄວາມເຂັ້ມແຂງທົນທານ ຕໍ່ການປ່ຽນແປງສະພາບອາກາດ.
ໂດຍໝາກຜົນຂອງກອງປະຊຸມແມ່ນການຮັບຮອງຖະແຫຼງການວຽງຈັນທີ່ກຳນົດເຖິງຄວາມມຸ່ງໝັ້ນຂອງບັນດາປະເທດສະມາຊິກອາຊຽນໃນການພັດທະນາຕົວເມືອງໃຫ້ມີຄວາມຍືນຍົງ. ໃນນີ້, ບັນດາຜູ້ນຳອາຊຽນໄດ້ເຫັນດີໃຫ້ຖືເອົາວຽກງານການວາງແຜນການພັດທະນາຕົວເມືອງທີ່ມີຄວາມຍືນຍົງ ແລະ ມາດຕະການໃນການປົກປ້ອງສິ່ງແວດລ້ອມເປັນບູລິມະສິດສຳຄັນ ທັ້ງນີ້ກໍເນື່ອງມາຈາກຜົນກະທົບຂອງການຂະຫຍາຍຕົວເມືອງ ແລະ ການປ່ຽນແປງຂອງດິນຟ້າອາກາດທີ່ກຳລັງເປັນໄພຄຸກຄາມຕໍ່ກັບການດຳລົງຊິວິດໃນແຕ່ລະຂົງເຂດ.
ນອກຈາກນີ້, ກອງປະຊຸມຍັງມີການເນັ້ນໜັກເຖິງຄວາມສຳຄັນຂອງການກະກຽມຄວາມພ້ອມໃນການຮັບມືກັບໄພພິບັດ, ການບໍລິຫານຈັດການນໍ້າ, ການປັບປຸງຄຸນນະພາບຂອງອາກາດ ແລະ ການປັບຕົວເຂົ້າກັບການປ່ຽນແປງຂອງດິນຟ້າອາກາດ ເຊີ່ງບັນດາຜູ້ນຳອາຊຽນກໍໄດ້ເຫັນດິໃຫ້ມີການນຳເອົາບັນດາເຕັກໂນໂລຊີຕ່າງໆ ໂດຍສະເພາະແມ່ນນະວັດຕະກຳສີຂຽວເຂົ້າມາຊ່ວຍເພື່ອຫຼຸດຜ່ອນຄວາມສ່ຽງ ແລະ ຫັນໃຫ້ເປັນຕົວເມືອງແບບຍືນຍົງຫຼາຍຂື້ນ.
#econewslaos#aseanmayorforum
ແຫຼ່ງຂໍ້ມູນອ້າງອີງ:
