ສິງກະໂປຈະນໍາເຂົ້າພະລັງງານສະອາດຈາກລາວ
ສິງກະໂປຈະນໍາເຂົ້າພະລັງງານສະອາດຈາກລາວ
24 June, 2022
Share now
ສິງກະໂປເປັນປະເທດທີ່ພັດທະນາຫຼາຍທີ່ສຸດໃນອາຊຽນ (ASEAN) ແລະ ຍັງເປັນປະເທດທີ່ຕິດອັນດັບລໍ່າລວຍທີ່ສຸດໃນໂລກ. ເຖິງຈະມີຄວາມເປັນເມືອງໃຫຍ່ ແລະ ນຳໃຊ້ພະລັງງານຫຼາຍ, ປະເທດສິງກະໂປພັດເປັນປະເທດທີ່ເນັ້ນໜັກໃສ່ການພັດທະນາສີຂຽວ ແລະ ການປົກປັກຮັກສາສິ່ງແວດລ້ອມ. ຢ່າງໃດກໍຕາມ, ໃນປະຈຸບັນ ການນຳໃຊ້ໄຟຟ້າຂອງປະເທດດັ່ງກ່າວ 95% ກໍຍັງແມ່ນຈາກການເຜົາໄໝ້ກາສທໍາມະຊາດ ເຊັ່ນນຳ້ມັນດິບ. ການນຳໃຊ້ພະລັງງານນີ້ແມ່ນກວມເອົາເຖິງ 40% ຂອງການປ່ອຍກາສກາກບອນໄດອັອກໄຊ (CO2) ຂອງປະເທດດັ່ງກ່າວເຊິ່ງເປັນສິ່ງທີ່ສົ່ງຜົນກະທົບຕໍ່ການປ່ຽນແປງດິນຟ້າອາກາດ ແລະ ເຮັດໃຫ້ເປົ້າໝາຍກາກບອນເປັນ 0 ຂອງປະເທດດັ່ງກ່າວພົບຄວາມຫຍຸ້ງຍາກ.

ທັງນີ້, ວັນພະຫັດທີ 23 ມິຖຸນາ ນີ້ ໄດ້ເລີ່ມແຜນການນຳເຂົ້າພະລັງງານສະອາດຈາກປະເທດລາວຜ່ານທາງປະເທດໄທ ແລະ ມາເລເຊຍ, ເຊິ່ງກໍເປັນຂີດໝາຍສຳຄັນຂອງສິງກະໂປໃນດ້ານການຄ້າພະລັງງານລະຫວ່າງປະເທດການພູມີພາກ ASEAN. ພະລັງງານສູງເຖິງ 100 ເມກາວັດ (MW) ຈະຖືກນໍາເຂົ້າສິງກະໂປຜ່ານທາງເສັ້ນທາງນຳສົ່ງຂອງ ລາວ-ໄທ-ມາເລເຊຍ ທີ່ມີຢູ່ແລ້ວ.

ປອ. ດາວວົງ ພອນແກ້ວ, ລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ກ່າວເນື່ອງໃນໂອກາດການຮ່ວມມືຄັ້ງນີ້ວ່າ “ໂອກາດຄັ້ງນີ້ຈະຕອບໂຈດພະລັງງານສະອາດ-ກາກບອນຕໍ່າ ໃນພາກພື້ນນີ້ ແລະ ຈະສ້າງປະໂຫຍດໃຫ້ແກ່ການພັດທະນາເສດຖະກິດ ແລະ ປັບປຸງຄວາມບໍ່ສະຖຽນ ແລະ ຄວາມຍືນຍົງຂອງພະລັງງານ”.

ນອກຈາກນີ້, ສິງກະໂປແມ່ນມີຂໍ້ຈຳກັດໃນການຜະລິດພະລັງງານສະອາດເນື່ອງຈາກພື້ນທີ່ທີ່ຈຳກັດ ທີ່ເຮັດໃຫ້ບໍ່ສາມາດສ້າງກັງຫັນລົມ ແລະ ແຜງພະລັງງານແສງອາທິດໄດ້.

#econewslaos #Renewableenergy ແຫຼ່ງອ້າງອີງ:

https://www.straitstimes.com/.../singapore-begins... https://www.upstreamonline.com/.../significan.../2-1-1244912

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
08 October, 2024
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
25 September, 2024
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
ດັດຊະນີປະສິດທິພາບດ້ານສິ່ງແວດລ້ອມປີ 2024 (Environmental Performance Index : EPI) ເຊິ່ງຈັດໂດຍສູນກົດໝາຍ ແລະ ນະໂຍບາຍສິ່ງແວດລ້ອມແຫ່ງມະຫາວິທະຍາໄລເຢລ (Yale Center for Environmental Law & Policy) ແລະ ສູນເຄືອຂ່າຍຂໍ້ມູນວິທະຍາສາດໂລກຂອງມະຫາວິທະຍາໄລໂຄລໍາເບຍ (Columbia) ເຊິ່ງໄດ້​ເຜີຍແຜ່ຜົນການຈັດ​ອັນ​ດັບ​​ປະ​ເທດຕ່າງໆ​​ທົ່ວ​ໂລກ​ໃນດ້ານຄວາມ​ຍືນ​ຍົງ ​ແລະ ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​.