ໄພແລ້ງຈາກ El Niño (ເອລນິໂຍ) ສົ່ງຜົນໃຫ້ເກີດພາວະຝົນແລ້ງ ກໍຄືປະລິມານນໍ້າຝົນຈະໜ້ອຍກວ່າປົກກະຕິ ແລະ ອຸນຫະພູມສູງຂຶ້ນ ໄດ້ທໍາລາຍພືດຜົນທາງການຜະລິດໃນຕອນໃຕ້ຂອງທະວີບອາຟຣິກາ ເຮັດໃຫ້ເກີດການຂາດແຄນທາງອາຫານທີ່ກະທົບຫຼາຍກວ່າ 68 ລ້ານຄົນ. ປະເທດຊິມບັບເວເປັນໜຶ່ງໃນປະເທດທີ່ໄດ້ຮັບຜົນກະທົບ ເນື່ອງຈາກເຄິ່ງໜຶ່ງຂອງຈໍານວນປະຊາກອນກໍາລັງຜະເຊີນກັບໄພອຶດຫິວຫຼັງຈາກພົບກັບວິກິດໄພແລ້ງທີ່ຮຸນແຮງໃນຮອບ 40 ປີ ແລະ ຈະຂ້າຊ້າງ 200 ໂຕ ເພື່ອແຈກຢາຍເປັນອາຫານໃຫ້ແກ່ປະຊາຊົນທີ່ກໍາລັງໄດ້ຮັບຜົນກະທົບ.

ການປູກກາເຟໃນສວນກ້ວຍ ແມ່ນເປັນຂອງພໍ່ ຄໍາແພງ ພັນທະວົງ, ຊາວກະສິກອນ ບ້ານ ຊາຍ-ນາດູ່, ເມືອງ ຄໍາ, ແຂວງ ຊຽງຂວາງ. ກ່ອນທີ່ຈະຫັນມາເຮັດນິເວດກະສິກໍາກໍຄືການປູກກາເຟໃນສວນກ້ວຍ ແມ່ນໄດ້ເຮັດຫຼາກຫຼາຍຢ່າງຜ່ານມາ. ໃນເບື້ອງຕົ້ນແມ່ນເພິ່ນໄດ້ເຮັດໄຮ່ໝູນວຽນ, ມາປີ 2005 ໄດ້ເຮັດສວນສາລີ, ແລະ ປີ 2017 ໄດ້ລ້ຽງງົວ ແຕ່ມີເນື້ອທີ່ດິນທີ່ຈໍາກັດເລີຍໄດ້ຫັນປ່ຽນມາປູກສາລີຄືນ.

ໃນຕົ້ນອາທິດນີ້, ທັດສະນີຍະພາບຂອງອິນເດຍ ໂດຍສະເພາະແມ່ນເມືອງຫຼວງນິວເດລີ ໄດ້ຖືກປົກຄຸມໄປດ້ວຍໝອກຄວັນສີເທົາ ເຊິ່ງສົ່ງຜົນໃຫ້ຜູ້ຄົນຕ້ອງໄດ້ໃສ່ໜ້າກາກເພື່ອປ້ອງກັນຈາກຝຸ່ນ ແລະ ຫຼີກລ່ຽງການເດີນທາງເຂົ້າເມືອງ. ນອກຈາກນີ້, ກິດຈະກຳກາງແຈ້ງຕ່າງໆໄດ້ກໍຖືກຍົກເລີກ, ໂຮງຮຽນຫຼາຍແຫ່ງໄດ້ພັກການຮຽນ, ຖ້ຽວບິນ ແລະ ລົດໄຟຕ່າງໆເກີດຄວາມລ່າຊ້າ ເນື່ອງຈາກຝຸ່ນຄວັນໜາ ເຮັດໃຫ້ວິໄສທັດໃນການເບິ່ງເຫັນຢູ່ໃນລະດັບຕໍ່າ.

ເມື່ອຊ່ວງຕົ້ນເດືອນພະຈິກທີ່ຜ່ານມາ ໄດ້ມີການປາກົດຕົວຂອງໄຕ້ຝຸ່ນໃນເຂດປາຊິຟິກຕາເວັນຕົກ ພ້ອມກັນເຖິງ 4 ຫົວ ເຊິ່ງໄດ້ກາຍເປັນເຫດການທີ່ແປກປະຫຼາດໃນຮອບຫຼາຍປີ ເນື່ອງຈາກໄຕ້ຝຸ່ນເຫຼົ່ານັ້ນໄດ້ກໍ່ຕົວຂຶ້ນໃນໄລຍະເວລາໃກ້ຄຽງກັນ ແລະ ຖືເປັນປາກົດການຄັ້ງທຳອິດໃນຮອບ 73 ປີ ພາຍຫຼັງປີ 1951.

ພູເຂົາໄຟຟູຈິທີ່ເປັນໜຶ່ງໃນສັນຍາລັກສຳຄັນ ແລະ ມໍລະດົກໂລກຂອງຍີ່ປຸ່ນ ກຳລັງຜະເຊີນກັບຜົນກະທົບຂອງອາກາດທີ່ປ່ຽນແປງ ເນື່ອງຈາກ ຫິມະທີ່ປົກຄຸມຍອດພູໄຟດັ່ງກ່າວຍັງບໍ່ທັນປາກົດໃຫ້ເຫັນ ເຊິ່ງໃນປີນີ້ຖືເປັນການທຳລາຍສະຖິຕິ 130 ປີທີ່ຫິມະຍັງບໍ່ທັນປົກຄຸມຍອດຂອງພູເຂົາໄຟຟູຈິ.

ປະຕິເສດບໍ່ໄດ້ວ່າ ສຸຂະພາບຈິດເປັນຕົວກະຕຸ້ນສຳຄັນທີ່ມີອິດທິພົນຕໍ່ຄວາມຢູ່ດີກິນດີຂອງຄົນເຮົາໃນປະຈຸບັນ. ການທີ່ເຮົາມີສຸຂະພາບຈິດທີ່ດີນັ້ນຊ່ວຍໃຫ້ເຮົາສາມາດຮັບມືກັບບັນດາຄວາມຄຽດ ແລະ ຄວາມວິຕົກກັງວົນຈາກປັດໄຈສ່ວນຕົວ ແລະ ສັງຄົມໄດ້ເປັນຢ່າງດີ. ແນວໃດກໍຕາມ, ການປ່ຽນແປງດິນຟ້າອາກາດທີ່ໄວວາ ແລະ ມີລະດັບຄວາມຮຸນແຮງໃນແຕ່ລະປີ ສົ່ງຜົນກະທົບຕໍ່ຄວາມຜິດປົກກະຕິທາງອາລົມ ແລະ ຄວາມວິຕົກກັງວົນທີ່ຮຸນແຮງຂຶ້ນ.