ສັງຄົມອອນລາຍວິຈານ ແລະ ຕັ້ງສາຍາໃຫ້ Kylie Jenner ເຊເລບດັງ ເປັນນັກອາຊະຍາກໍາທາງສະພາບອາກາດ
ສັງຄົມອອນລາຍວິຈານ ແລະ ຕັ້ງສາຍາໃຫ້ Kylie Jenner ເຊເລບດັງ ເປັນນັກອາຊະຍາກໍາທາງສະພາບອາກາດ
27 July, 2022
Share now
ໃນຊ່ວງອາທິດທີ່ຜ່ານມາໄດ້ເກີດກະແສວິຈານຈາກສັງຄົມອອນລາຍທີ່ໄດ້ຍົກເຖິງການນໍາໃຊ້ຍົນເຈັດສ່ວນຕົວຂອງເຊເລບດັງຂອງສະຫະລັດອາເມລິກາ Kylie Jenner ທີ່ເລືອກຈະຂີ່ຍົນເພື່ອເດີນທາງພຽງ 15 ນາທີ ແທນທີ່ຈະເລື່ອກເດີນທາງດ້ວຍລົດຍົນທີ່ໃຊ້ເວລາພຽງ 45 ນາທີ. ການກະທຳດັ່ງກ່າວເປັນການສ້າງກາສກາກບອນທີ່ເປັນພິດທາງອາກາດເທິງນ່ານຟ້າຄາລິໂຟເນີຍ.

ອີງຕາມໂພສເທິງທະວິດເຕີ້ @CelebJets , ເຂົາເຈົ້າໄດ້ມີການກວດຈັບການເຄື່ອນໄຫວການເດີນທາງ, ເປັນກະແສເຮັດໃຫ້ສັງຄົມອອກມາກ່າວວິພາກວິຈານການກະທໍາທີ່ເຫັນແກ່ຕົວດັ່ງກ່າວ. 

ສ່ວນສາເຫດທີ່ເຮັດໃຫ້ເກີດກະແສໂດ່ງດັງແມ່ນມາຈາກ 

ຜູ້ໃຊ້ Twitter ໄດ້ສະແດງຄວາມໂກດແຄ້ນຕໍ່ Jenner ພ້ອມກັບໃຫ້ສາຍານາງວ່ານາງເປັນ "ອາຊະຍາກໍາສະພາບອາກາດ," ເພື່ອໃຫ້ເໝາະສົມກັບສະພາວະວິກິດທາງພູມອາກາດເທິງໂລກຂອງພວກເຮົາ. 

ບັນຊີ @CelebJets ໃນ Twitter ແມ່ນບັນຊີທີ່ຕິດຕາມ ແລະ  ລາຍງານກ່ຽວກັບການເດີນທາງຍົນເຈັດທີ່ມີຊື່ສຽງ. ບັນຊີດັ່ງກ່າວໄດ້ໂພສຮູບທີ່ເປີດເຜີຍເສັ້ນທາງການບິນຂອງ Kylie Jenner ແລະຂຽນຂໍ້ຄວາມວ່າ: ເຮືອບິນຂອງມະຫາເສດຖີ ອາຍຸ 24 ປີ ໄດ້ບິນອອກຈາກຄຸ້ມ Camarillo ໃນລັດ ຄາລິໂຟເນຍ California. 

ແລະໄດ້ຄໍານວນທິດທາງ ແລະ ໄລຍະເວລາຂອງການເດີນທາງວ່າ: ເສັ້ນທາງການບິນຂອງນາງໃຊ້ເວລາພຽງແຕ່ 17 ນາທີເທົ່ານັ້ນ. ຖ້າລາວເລືອກທີ່ຈະເດີນທາງດ້ວຍລົດ ຈະໃຊ້ເວລາປະມານ 45 ນາທີ ເພື່ອຮອດຈຸດຫມາຍປາຍທາງ.

ນອກ​ຈາກ Kylie Jenner ຍັງ​ຖືກ​ຕຳ​ໜິຕິຕຽນ​ໃນ​ການ​ປ່ອຍ​ມົນ​ລະ​ພິດ​ທາງ​ອາ​ກາດ​ຢ່າງ​ບໍ່​ຈຳ​ເປັນ. ອີກອັນໜຶ່ງທີ່ເຮັດໃຫ້ຄົນບໍ່ພໍໃຈຄື Kylie Jenner ເລືອກຂັບລົດ 30 ນາທີໄປສະໜາມບິນເພື່ອຂຶ້ນຍົນ. ເຊິ່ງກົງກັນຂ້າມກັບປາຍທາງຂອງນາງ ແທນທີ່ຈະຂັບລົດຊື່ໄປຫາປາຍທາງໂດຍກົງ.

ແລະ ໃນມື້ຕໍ່ມາ ລາວໄດ້ລົງຮູບຄູ່ກັບຄູ່ຮັກ Travis Scott ເຜີຍໃຫ້ເຫັນຍົນເຈັດ ສອງລໍາຈອດຄູ່ກັນພ້ອມກັບແຄັບຊັນວ່າ “ຂຶ້ນຍົນຂອງຂ້ອຍ ຫຼື ຂອງເຈົ້າ?”

ຍິ່ງເຮັດໃຫ້ກະແສສັງຄົມອອນລາຍສະແດງຄວາມບໍ່ພໍໃຈຂຶ້ນຕື່ມ ເພາະໃນຂະນະທີ່ຄົນມີເງິນມີຖານະເລືອກທີ່ຈະເດີນທາງພຽງ 17 ນາທີດ້ວຍຍົນສຸດຫຼູ ຄົນທົ່ວໄປໃນໂລກກໍາລັງຮຽກຮ້ອງ ແລະ ຕໍ່ສູ້ເພື່ອໃຫ້ເກີດມີການປ່ຽນແປງທາງສະພາວະອາກາດ.

ອີງຕາມສະຖິຕິ ຂອງອົງກອນການຂົງສົ່ງ ແລະ ສິ່ງແວດລ້ອມ (Transport & Environment  ຫຼື T&E) ຍົນສ່ວນຕົວປ່ອຍສາມາດປ່ອຍກາກບອນ ເຖິງ 2 ໂຕນ, ເຊິ່ງຖິ້ມຮ່ອງຮອຍແຕ່ລະປີ ແລະ ເປັນປະລິມານທີ່ໄດ້ຕັ້ງເປົ້າຫມາຍໃຫ້ເຮັດໃຫ້ໄດ້. ແຕ່ໂດຍສະເລ່ຍຕົວຈິງແລ້ວ, ຖ້ຽວບິນສ່ວນຕົວ ໄດ້ສ້າງມົນລະພິດໃຫ້ຫຼາຍກວ່າການເດີນທາງທາງການຄ້າ 10 ເທົ່າ.

post-images

“ການນໍາໃຊ້ເຄື່ອງບິນສ່ວນຕົວອາດແມ່ນສິ່ງທີ່ໂຫດຮ້າຍທີ່ສຸດທີ່ສົ່ງຜົນກະທົບໃຫ້ກັບສິ່ງແວດລ້ອມ ແຕ່ວ່າຄົນມີຖານະ ມີເງິນ ພັດເປັນຜູ້ສ້າງມົນລະພິດທາງອາກາດ ແລະ ບິນໄປມາຄືກັບວ່າວິກິດທາງສະພາບອາກາດບໍ່ມີຈິງ.” ແອນດຣິວ ເມີຟີ  (Andrew Murphy) ຜູ້ອໍານວຍການການບິນ T&E. 

ໂພສຂໍ້ຄວາມຂອງເຊເລບ ​Kylie Jenner  ໄດ້ກາຍເປັນສິ່ງຕອກຢໍ້າ ວ່າໃນຂະນະທີ່ປະຊາຊົນທົ່ວໄປກໍາລັງເຮັດທຸກວິທີທາງເພື່ອຫຼຸດຜ່ອນການປ່ອຍອາຍພິດ, ຄົນຮັ່ງມີກໍາລັງລະບາຍມົນລະພິດອອກຄືກັບວ່າພວກເຂົາພະຍາຍາມບັນລຸຄະແນນສູງ, ເປັນເລື່ອງຕະຫລົກຂອງບຸກຄົນໃດຫນຶ່ງ, ຫຼືແມ້ກະທັ້ງການພະຍາຍາມລວມເພື່ອຫຼຸດຜ່ອນສິ່ງເສດເຫຼືອ. 

ແລ້ວຈະມີທາງອອກເພື່ອຫຼຸດຜ່ອນການປ່ອຍກາກບອນຕໍ່ການໃຊ້ຍົນສ່ວນໂຕບໍ່?

ທາງອອກທີ່ເປັນໄປໄດ້ແມ່ນການຕະຫຼາດ ແລະ ທຸລະກິດການຜະລິດເຮືອບິນ ມີການປ່ຽນແປງ ແລະຜັນປ່ຽນໄປໃນທິດທາງທີ່ຫຼຸດຜ່ອນກາສກາກບອນ. 

ອີງຕາມການສໍາພາດ ຜູ້ອໍານວຍການການບິນ T&E  ແອນດຣິວ ເມີຟີ (Andrew Murphy) ໃນຊ່ວງປີ 2021 ໄດ້ກ່າວວ່າ: ຂ່າວດີແມ່ນ ​ທາງລັດສັ້ນເຫຼົ່ານີ້ແມ່ນເປົ້າ ໝາຍສໍາຄັນ ສຳລັບການທົດແທນດ້ວຍເຕັກໂນໂລຢີທີ່ສະອາດເຊັ່ນເຮືອບິນໄຟຟ້າ ແລະ ພະລັງງານອາຍນໍ້າ ແລະ ຜູ້ວາງນະໂຍບາຍຂອງເອີຣົບຈໍາເປັນຕ້ອງໄດ້ເລີ່ມເກັບພາສີເຮືອບິນເອກະຊົນທີ່ໃຊ້ພະລັງງານຈາກຟອດຊິວທໍາ ແລະ ຫ້າມການນໍາໃຊ້ຂອງພວກເຂົາໃນປີ 2030.

ນໍ້າມັນເຊື້ອໄຟຂອງເຮືອບິນເອກະຊົນຍັງບໍ່ໄດ້ຮັບການເກັບພາສີຢູ່ໃນສະຫະພາບເອີຣົບເນື່ອງຈາກໂຄງການກໍານົດລາຄາຄາບອນ ແລະ ການຂາດພາສີນໍ້າມັນເຊື້ອໄຟ, ແຕ່ອົງການດັ່ງກ່າວເຊື່ອວ່າການເກັບພາສີນໍ້າມັນເຊື້ອໄຟສາມາດລະດົມທຶນໄດ້ 325 ລ້ານເອີໂຣ ເພື່ອຊ່ວຍໃຫ້ຂະແຫນງການບັນລຸເປົ້າຫມາຍຫຼຸດຜ່ອນກາກບອນ.

“ລາຍຮັບທີ່ຫາໄດ້ຈາກມະຫາເສດຖີສາມາດລົງທຶນໃນເຕັກໂນໂລຊີສີຂຽວທີ່ສາມາດເຮັດຄວາມສະອາດການບິນສໍາລັບທຸກຄົນ” ເມີຟີໄດ້ກ່າວໄວ້. 

 

ແຫຼ່ງອ້າງອີງຂໍ້ມູນ:

https://www.transportenvironment.org/discover/rising-use-of-private-jets-sends-co2-emissions-soaring/

https://www.airport-technology.com/analysis/private-jet-emissions-how-much-do-they-cost-the-environment/

https://www.transportenvironment.org/discover/private-jets-can-the-super-rich-supercharge-zero-emission-aviation/

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
08 October, 2024
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
25 September, 2024
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
ດັດຊະນີປະສິດທິພາບດ້ານສິ່ງແວດລ້ອມປີ 2024 (Environmental Performance Index : EPI) ເຊິ່ງຈັດໂດຍສູນກົດໝາຍ ແລະ ນະໂຍບາຍສິ່ງແວດລ້ອມແຫ່ງມະຫາວິທະຍາໄລເຢລ (Yale Center for Environmental Law & Policy) ແລະ ສູນເຄືອຂ່າຍຂໍ້ມູນວິທະຍາສາດໂລກຂອງມະຫາວິທະຍາໄລໂຄລໍາເບຍ (Columbia) ເຊິ່ງໄດ້​ເຜີຍແຜ່ຜົນການຈັດ​ອັນ​ດັບ​​ປະ​ເທດຕ່າງໆ​​ທົ່ວ​ໂລກ​ໃນດ້ານຄວາມ​ຍືນ​ຍົງ ​ແລະ ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​.