ໂດຍທົ່ວໄປແລ້ວ, ເມື່ອດວງອາທິດໄດ້ມີການປ່ອຍຄໍໂຣແນລອອກມາ ຈະກໍ່ໃຫ້ເກີດເປັນອະນຸພາກທີ່ບັນຈຸໄຟຟ້າຂະໜາດໃຫຍ່ ແລະ ເມື່ອກຸ່ມອະນຸພາກເຫຼົ່ານັ້ນເຄື່ອນທີ່ອອກຈາກດວງອາທິດ ມາສູ່ດາວເຄາະຕ່າງໆ ໂດຍສະເພາະແມ່ນ ໂລກ ກໍຈະພາໃຫ້ເກີດເປັນພາຍຸແມ່ເຫຼັກ ເນື່ອງຈາກ ບັນດາອະນຸພາກດັ່ງກ່າວໄດ້ປະທະກັບສະໜາມແມ່ເຫຼັກໂລກທີ່ຕ່າງກໍມີພະລັງງານຂະໜາດໃຫຍ່. ເມື່ອອະນຸພາກທີ່ອອກມາຈາກດວງອາທິດນັ້ນມີຈຳນວນຫຼາຍ, ລະດັບຄວາມຮຸນແຮງທີ່ເກີດຂື້ນໃນສະໜາມແມ່ເຫຼັກນັ້ນກໍຍີ່ງມີສູງ ເຊີ່ງໄດ້ສົ່ງຜົນກະທົບຕໍ່ເຕັກໂນໂລຊີຕ່າງໆໃນອາວະກາດ ລວມເຖິງມະນຸດໃນໂລກເຊັ່ນດຽວກັນ.
ອີງຕາມການກຳນົດລະດັບຄວາມຮຸນແຮງຂອງພູມອາກາດນອກໂລກຂອງທາງ NOAA ໄດ້ສະຫຼຸບໄວ້ວ່າຜົນກະທົບຂອງການປ່ຽນແປງອາກາດນອກໂລກຕໍ່ກັບໂລກມະນຸດ ມີຢູ່ 5 ລະດັບ ເຊີ່ງລະດັບທີ່ແຮງທີ່ສຸດແມ່ນ G5 ທີ່ບັນດາລະບົບຄວບຄຸມແຮງດັນໄຟຟ້າ, ສາຍສົ່ງໄຟຟ້າ ຫຼົ່ມ ຫຼື ດັບຖາວອນ, ໝໍ້ແປງໄຟເກີດຄວາມເສຍຫາຍ, ມີບັນຫາການຄວບຄຸມທິດທາງ ແລະ ການສື່ສານຂອງຍານອາວະກາດ. ຕາມມາດ້ວຍລະດັບ G4 ທີ່ລະບົບຄວບຄຸມແຮງດັນໄຟຟ້າເກີດຄວາມເສຍຫາຍເປັນວົງກວ້າງ, ເກີດກະແສໄຟຟ້າໃນທໍ່ສົ່ງນໍ້າ, ເກີດມີແສງເໜືອ ແສງໃຕ້ ແລະ ການກະຈາຍສັນຍານຄວາມຖີ່ສູງອາດຈະຂັດຂ້ອງເປັນໄລຍະ ເຊີ່ງຄວາມຮຸນແຮງລະດັບ G4 ຖືກຄາດຄະເນວ່າຈະເກີດຂຶ້ນໃນເຫດການຄັ້ງນີ້.
ເຖິງແມ່ນວ່າການເກີດພາຍຸແມ່ເຫຼັກອາດຈະບໍ່ໄດ້ສ້າງຄວາມເສຍຫາຍໂດຍກົງຕໍ່ກັບຊິວິດຂອງມະນຸດ, ແຕ່ກໍໄດ້ສົ່ງຜົນກະທົບຕໍ່ບັນດາພື້ນຖານໂຄງລ່າງທີ່ຈຳເປັນເຊັ່ນ: ລະບົບໄຟຟ້າຕ່າງໆ ອາດຈະມີການຢຸດສະງັກ ເຊີ່ງເປັນຜົນກະທົບທາງອ້ອມຕໍ່ກັບການດຳລົງຊິວິດຂອງມະນຸດ.
#econewslaos#coronalmassejection
ແຫຼ່ງຂໍ້ມູນອ້າງອີງ:
