ໂດຍປົກກະຕິແລ້ວ, ເມື່ອເລີ່ມເຂົ້າສູ່ຊ່ວງລະດູໜາວ ຍອດຂອງພູເຂົາໄຟຟູຈິຈະຖືກປົກຄຸມດ້ວຍຫິມະຂາວ ເຊີ່ງເປັນພາບບັນຍາກາດທີ່ງົດງາມ. ແຕ່ມາຮອດປະຈຸບັນ, ພູໄຟດັ່ງກ່າວຍັງໄຮ້ວີແວວທີ່ຈະມີຫິມະປົກຄຸມ ໂດຍຕາມການລາຍງານຂອງສຳນັກງານອຸຕິນິຍົມວິທະຍາຍີ່ປຸ່ນ ໄດ້ຄາດການວ່ານັບແຕ່ຊ່ວງວັນທີ 2 ເດືອນ ຕຸລາເປັນຕົ້ນໄປ ຈະສາມາດພົບເຫັນຫິມະທີ່ຍອດຂອງພູເຂົາໄຟຟູຈິ ແຕ່ເມື່ອ ປີ 2023 ທີ່ຜ່ານມາຫິມະເລີ່ມປາກົດໃຫ້ເຫັນເມື່ອວັນທີ 5 ເດືອນຕຸລາ.
ດ້ວຍສະພາບອາກາດທີ່ອົບອຸ່ນແບບຜິດປົກກະຕິ, ຍອດພູເຂົາໄຟຟູຈິຈຶ່ງຍັງປາກົດເປັນພຽງພູໄຟທີ່ບໍ່ທັນມີສີຂາວປົກຄຸມ. ໂດຍອາກາດທີ່ອົບອຸ່ນນີ້ ໄດ້ຮັບອິດທິພົນມາຈາກຊ່ວງລະດູຮ້ອນຂອງຍີ່ປຸ່ນ ທີ່ໃນປີນີ້ມີອຸນຫະພູມສູງ ແລະ ຮ້ອນທີ່ສຸດໃນປະຫວັດສາດ ໂດຍສະເພາະໃນຊ່ວງເດືອນມິຖຸນາ ຫາ ເດືອນສິງຫາ ເຊິ່ງທາງສະມາຄົມອຸຕຸນິຍົມວິທະຍາໄດ້ວັດອຸນຫະພູມ ໃນ 1500 ເຂດທົ່ວຍີ່ປຸ່ນ ແລະ ພົບວ່າໃນແຕ່ລະເຂດມີອຸນຫະພູມສູງກວ່າ 35 ອົງສາ.
ເຖິງແມ່ນວ່າ, ຍີ່ປຸ່ນຈະຜ່ານລະດູຮ້ອນມາແລ້ວ ແຕ່ອຸນຫະພູມໃນເດືອນກັນຍາ ແລະ ເດືອນຕຸລາ ທີ່ຜ່ານມາກໍຍັງຢູ່ໃນລະດັບອຸ່ນກວ່າປົກກະຕິ ເຊີ່ງແຕກຕ່າງຈາກຊ່ວງປີທີ່ຜ່ານມາທີ່ອາກາດໃນຊ່ວງນີ້ຈະເລີ່ມມີຄວາມໜາວເຢັນເຊິ່ງເປັນສັນຍານໃນການເຂົ້າສູ່ລະດູໜາວ. ການທີ່ຫິມະຕົກລ່າຊ້າທີ່ຍອດພູເຂົາໄຟຟູຈິນັ້ນອາດຈະເປັນຕົວຊີ້ບອກວ່າອາກາດເລີ່ມມີການປ່ຽນແປງ ນັບມື້ນັບເພີ່ມທະວີຂື້ນ.
#econewslaos#mountfujisnowless
ແຫຼ່ງຂໍ້ມູນອ້າງອີງ:
