ດ້ວຍເຫດນີ້, ເຟສບຸກຂອງເຈົ້າຂອງກິດຈະການດັ່ງກ່າວໄດ້ອອກມາຊີ້ແຈງວ່າ "...ໄດ້ສຶກສາສອບຖາມທາງຜູ້ຈຳໜ່າຍໂຟມມາແລ້ວ ຈຶ່ງຊື້ມາເປີດໃຫ້ຄົນມາໄດ້ຫຼີ້ນຟຣີ. ຜ່ານມາເປີດໂຟມມາໄດ້ 2 ອາທິດກວ່າແລ້ວ ແຕ່ກ່ອນປີໃໝ່ລາວທີ່ຜ່ານມາ ຍັງບໍ່ທັນມີຜົນກະທົບຫຍັງເກີດຂື້ນຕໍ່ສີ່ງແວດລ້ອມ ເຊັ່ນ: ປາໃນນ້ຳກະບໍ່ໄດ້ຕາຍ, ຄົນທີ່ມາຫຼີ້ນກະບໍ່ໄດ້ແພ້, ບໍ່ມີອາການຫຍັງຄືພວກທ່ານເວົ້າ...". ນອກຈາກນີ້, ເພິ່ນຍັງໃຫ້ຮູ້ຕື່ມວ່າ ໂຟມດັ່ງກ່າວເຮັດມາຈາກ "ແປ້ງ" ແລະ ມີລາຄາແພງ ເຊິ່ງເປິດໃຫ້ຫຼິ້ນທ້າຍອາທິດເທົ່ານັ້ນ.

ແນວໃດກໍຕາມ, ຕາມກົດໝາຍ ທຸລະກິດຕ້ອງໄດ້ຮັບອະນຸຍາດຈາກຫ້ອງການເມືອງ ໂດຍສະເພາະແມ່ນ ຫ້ອງການສິ່ງແວດລ້ອມເມືອງ. ທັງນີ້, ຜົນການປະເມີນຜົນກະທົບທາງດ້ານສິ່ງແວດລ້ອມຕ້ອງມີການປະຕິບັດ ແລະ ເປີດໃຫ້ມວນຊົນໄດ້ເຂົ້າເຖິງຂໍ້ມູນນັ້ນ. ທັງນີ້, ທຸລະກິດດັ່ງກ່າວຍັງບໍ່ມີການອອກມາເປີດເຜີຍ ຫຼື ແບ່ງປັນຂໍ້ມູນນີ້ເທື່ອ.

#econewslaos #waterpollution #sustainablebusiness