ສາຍປູກໄມ້ຕ້ອງລອງ! ຖັງກ້າເບ້ຍໄມ້ຈາກເສັ້ນໄຍໝາກພ້າວກັບຂີ້ເລື່ອຍ ຫຼຸດຜ່ອນຂີ້ເຫຍື້ອປລາສຕິກ
ສາຍປູກໄມ້ຕ້ອງລອງ! ຖັງກ້າເບ້ຍໄມ້ຈາກເສັ້ນໄຍໝາກພ້າວກັບຂີ້ເລື່ອຍ ຫຼຸດຜ່ອນຂີ້ເຫຍື້ອປລາສຕິກ
27 December, 2021
Share now
ປະຈຸບັນ ປລາສຕິກໄດ້ປະກອບຢູ່ໃນເກືອບທຸກຜະລິດຕະພັນໄປແລ້ວ ລວມທັງການກ້າເບ້ຍໄມ້ທີ່ພົບເຫັນຫຼາຍ ໃນຮູບແບບຫຸ້ມຫໍ່ທີ່ເປັນຖົງປລາສຕິກສີດໍາ. ນອກຈາກຈະກາຍເປັນສິ່ງເສດເຫຼືອທີ່ໃຊ້ປະໂຫຍດບໍ່ໄດ້ຫຼັງຈາກການປູກຕົ້ນແລ້ວ ມັນກໍ່ຍັງເປັນສິ່ງເສດເຫຼືອທີ່ນໍາໄປໃຊ້ຄືນໃຫມ່ບໍ່ໄດ້ອີກດ້ວຍ.

ແຕ່ເມື່ອບໍ່ດົນມານີ້ ໄດ້ມີການວິໄຈໂດຍ ນັກສຶກສາ ຈາກຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດລາວ, ໄດ້ຄິດຄົ້ນກະຖັງກ້າເບ້ຍໄມ້ທີ່ຜະລິດຈາກເສັ້ນໄຍໝາກພ້າວປະສົມກັບຂີ້ເລື່ອຍ. ໂດຍທົດລອງໃນກະຖັງ 3 ຮູບແບບເຊັ່ນ: ກະຖັງ T1 ກະຖັງໄຍໝາກພ້າວ 100%, T2 ກະຖັງຂີ້ເລື່ອຍ 100% ແລະ T3 ກະຖັງໄຍໝາກພ້າວປະສົມຂີ້ເລື່ອຍ 50% : 50% , ທີ່ໃຊ້ໃນການເວລາທົດລອງ 8 ອາທິດ.

ຜົນການທົດລອງພົບວ່າ ກະຖັງ T1 ທີ່ເປັນໄຍໝາກພ້າວທັງໝົດນັ້ນສາມາດດູດຊຶມນໍ້າໄດ້ສູງທີ່ສຸດເຖິງ 185% ແລະ ກະຖັງທີ່ເປັນໄຍໝາກພ້າວປະສົມກັບຂີ້ເລື່ອຍດູດຊຶມນໍ້າໄດ້ 122%, ແຕ່ເມື່ອທຽບກັບກະຖັງທີ່ເປັນຖົງຢາງດໍາຫຸ້ມຫໍ່ແລ້ວມີອັດຕາດູດຊຶມນໍ້າໄດ້ພຽງແຕ່ 37.5%.

ເຫັນໄດ້ວ່າກະຖັງທີ່ເປັນໄຍໝາກພ້າວ ແລະ ກະຖັງທີ່ເປັນໄຍໝາກພ້າວປະສົມກັບຂີ້ເລື່ອຍນັ້ນສາມາດຍ່ອຍສະຫຼາຍໄດ້, ນໍາໄປກ້າເບ້ຍໄມ້ໄດ້, ບໍ່ເປັນອັນຕະລາຍຕໍ່ພືດ, ເປັນການນໍາເອົາສິ່ງເສດເຫຼືອກັບມານໍາໃຊ້ຄືນໃໝ່ຢ່າງມີປະສິດທິພາບ, ສ້າງທາງເລືອກໃຫ້ຊາວກະສິກອນໄດ້ນໍາໃຊ້ວັດສະດຸທີ່ເປັນມິດກັບສິ່ງແວດລ້ອມ, ປະຢັດຄ່າໃຊ້ຈ່າຍ, ຫຼຸດຜ່ອນສິ່ງເສດເຫຼືອຖົງຢາງດໍາທີ່ເປັນປລາສຕິກຈາກການກ້າເບ້ຍໄມ້ໄດ້ເປັນຢ່າງດີ. ແຫຼ່ງຂໍ້ມູນ ແລະ ຮູບ ຈາກ: ນາງ ກອງເພັດ ໄຊຍະລາດ ແລະ ນາງ ບີນໍ້າທິບ ທໍາມະວົງ. #Econews #PlasticPollution #PlasticCrisis #ClimateChage #GreenInnovation

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
08 October, 2024
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
25 September, 2024
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
ດັດຊະນີປະສິດທິພາບດ້ານສິ່ງແວດລ້ອມປີ 2024 (Environmental Performance Index : EPI) ເຊິ່ງຈັດໂດຍສູນກົດໝາຍ ແລະ ນະໂຍບາຍສິ່ງແວດລ້ອມແຫ່ງມະຫາວິທະຍາໄລເຢລ (Yale Center for Environmental Law & Policy) ແລະ ສູນເຄືອຂ່າຍຂໍ້ມູນວິທະຍາສາດໂລກຂອງມະຫາວິທະຍາໄລໂຄລໍາເບຍ (Columbia) ເຊິ່ງໄດ້​ເຜີຍແຜ່ຜົນການຈັດ​ອັນ​ດັບ​​ປະ​ເທດຕ່າງໆ​​ທົ່ວ​ໂລກ​ໃນດ້ານຄວາມ​ຍືນ​ຍົງ ​ແລະ ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​.