Coldplay ສ້າງມາດຕະຖານໃໝ່ໃຫ້ວົງການບັນເທີງຈັດຄອນເສີດແບບໃສ່ໃຈສິ່ງແວດລ້ອມ ແລະ ສັງຄົມ ປ່ອຍບົດລາຍງານຄວາມຍືນຍົງໃຫ້ແຟນໆໄດ້ອ່ານກັນເລີຍ
Coldplay ສ້າງມາດຕະຖານໃໝ່ໃຫ້ວົງການບັນເທີງຈັດຄອນເສີດແບບໃສ່ໃຈສິ່ງແວດລ້ອມ ແລະ ສັງຄົມ ປ່ອຍບົດລາຍງານຄວາມຍືນຍົງໃຫ້ແຟນໆໄດ້ອ່ານກັນເລີຍ
14 February, 2024
Share now
ວົງດົນຕີ Coldplay ເປັນວົງດົນຕີລະດັບໂລກສັນຊາດອັງກິດທີ່ເປັນທີ່ຮູ້ຈັກຢ່າງກວ້າງຂວາງ. ທັງນີ້, Coldplay ຍັງຂ້ອນຂ້າງມີຊື່ສຽງໃນດ້ານການສະແດງ (Show) ທີ່ປະທັບໃຈຜູ້ເບິ່ງ ເຮັດໃຫ້ເຂົາເຈົ້າມີການເດີນທາງເປີດການສະແດງທົ່ວໂລກ (World tour) ຫຼາຍຕໍ່ຫຼາຍຄັ້ງ. ແຕ່ການຈັດຄອນເສີດ ແລະ ລວມທັງການເດີນທາງໄປປະເທດຕ່າງໆທະວີບແລ້ວທະວີບເລົ່າເຮັດໃຫ້ມີການນຳໃຊ້ຊັບພະຍາກອນ ແລະ ປ່ອຍທາດອາຍເຮືອນແກ້ວຂຶ້ນຊັ້ນບັນຍາກາດມະຫາສານ. ຍ້ອນແນວນີ້, Coldplay ຈຶ່ງມີແນວຄິດການຈັດ World tour ທີ່ມີຄວາມຮັບຜິດຊອບຕໍ່ສັງຄົມ.

ເລີ່ມຈາກການຕັ້ງເປົ້າໝາຍການຫຼຸດການປ່ອຍກາກບອນ (Carbon dioxide) ໃຫ້ໄດ້ຢ່າງໜ້ອຍ 50% ໃນ "Music of the Spheres" Wold Tour. ປະຈຸບັນ, Coldplay ແມ່ນມີກິດຈະກຳປິ່ນອ້ອມເພື່ອຮັກສາໂລກ ແລະ ຊຸມຊົນແບບຍືນຍົງດັ່ງນີ້: - ຕິດຕັ້ງເວທີເຕັ້ນໃຫ້ແຟນໆມາເຕັ້ນເພື່ອສ້າງໄຟຟ້າ ແລະ ເຮັດໃຫ້ການນຳໃຊ້ໄຟ, ແສງ, ສີ, ເລເຊີ້, ເຄື່ອງສຽງຂອງເຂົາເຈົ້າແມ່ນໃຊ້ພະລັງງານສະອາດ 100%. - ສະໜັບສະໜຸນການບໍ່ນຳໃຊ້ປລາສຕິກແບບນໍາໃຊ້ເທື່ອດຽວ. - ນຳໃຊ້ສາຍຂໍ້ມືແສງໄຟ (LED wristband) ຊໍ້າ ໂດຍແຈກໃຫ້ໃຊ້ຟຣີກ່ອນເຂົ້າຄອນເສີດ ແລະ ໃຫ້ນຳມາສົ່ງຫຼັງຈາກຈົບຄອນເສີດ. - ບໍລິຈາກລາຍໄດ້ໃຫ້ແກ່ໂຄງການສິ່ງແວດລ້ອມ. ເຊັ່ນ, ທ່ານໄດ້ປູກຕົ້ນໄມ້ 1 ຕົ້ນແລ້ວ ພຽງແຕ່ມາຄອນເສີດ Coldplay ໂດຍຜ່ານໂຄງການ ແລະ ມີສ່ວນຊ່ວຍໃນການເກັບຂີ້ເຫຍື້ອໃນມະຫາສະໝຸດຜ່ານໂຄງການ The Ocean Cleanup.

ຈາກບົດລາຍງານຄວາມຍືນຍົງຂອງ Coldplay, ນີ້ແມ່ນຜົນໄດ້ຮັບທີ່ພວກເຂົາພູມໃຈ:

  • ຫຼຸດຜ່ອນການປ່ອຍອາຍພິດ CO2 ໂດຍກົງ 47% ເມື່ອປຽບທຽບກັບການເດີນທາງສະແດງທີ່ຜ່ານມາຂອງພວກເຂົາ (2016-17).

  • ປູກຕົ້ນໄມ້ 5 ລ້ານຕົ້ນ ໂດຍຜ່ານ One Tree Planted - ຈາກຜູ້ເຂົ້າຊົມຄອນເສີດແຕ່ລະຄົນ. ປະຈຸບັນໄດ້ມີການຟື້ນຟູເນື້ອທີ່ 5,000 ເຮັກຕາ ໃນ 17 ປະເທດ ແລະ 21 ໂຄງການ.

  • ໄດ້ນຳໃຊ້ເຄື່ອງທຳຄວາມສະອາດແມ່ນ້ຳທີ່ໃຊ້ພະລັງງານແສງອາທິດ 1 ໜ່ວຍ. ໃນເດືອນມີນາ 2021 ໃນແມ່ນໍ້າ Klang, ປະເທດ ມາເລເຊຍ ໂດຍຜ່ານ The Ocean Cleanup. ຂີ້ເຫຍື້ອ 158 ໂຕນ ແລະ ປລາສຕິກ 13 ໂຕນ ໄດ້ຖືກນຳອອກຈາກມະຫາສະໝຸດ ຕັ້ງແຕ່ເລີ່ມຕົ້ນການປະຕິບັດງານ.

  • 86% ຂອງສາຍແຂນ LED ແມ່ນຖືກຜູ້ຊົມນຳມາຄືນ

  • ພະລັງງານສະເລ່ຍ 15kWh ຕໍ່ການສະແດງຖືກຜະລິດຜ່ານການຕິດຕັ້ງແຜງພະລັງງານແສງອາທິດ, ເວທີເຕັ້ນ kinetic ແລະ ລົດຖີບໄຟຟ້າ

  • ມີສະຖານີເຕີມນ້ໍາຟຣີສໍາລັບແຟນໆ

  • ຫຼຸດການປ່ອຍກາກບອນເຖິງ 553 tCO2e ໂດຍການຊື້ນໍ້າມັນເຊື້ອໄຟການບິນແບບຍືນຍົງ (SAF) ສໍາລັບຖ້ຽວບິນ

  • ຫຼຸດ 66% ຂອງສິ່ງເສດເຫຼືອທັງຫມົດທີ່ຈະຖືກສົ່ງໄປສະໜາມຂີ້ເຫຍື້ອ

  • ອາຫານ 3.770 ຄາບ + ເຄື່ອງໃຊ້ສອຍຫ້ອງນໍ້າ 73 ກິໂລ ໄດ້ຖືກມອບໃຫ້ຄົນໄຮ້ບ້ານ

  • ໃຫ້ການຊ່ວຍເຫຼືອທາງດ້ານການເງິນແກ່ອົງການຈັດຕັ້ງສິ່ງແວດລ້ອມ ເຊັ່ນ: ClientEarth, The Ocean Cleanup, Climeworks, Sea Shepherd, Project Seagrass, Sustainable Food Trust, Cleaner Seas Group, ໂຄງການປ່າໄມ້ໃຫ້ອາຫານ ແລະ ອື່ນໆ

ທັງນີ້, ຄວາມສຳເລັດທີ່ສາມາດວັດແທກໄດ້ ແລະ ທັງໂປ່ງໃສນີ້ ໄດ້ຖືກຍອມຮັບຈາກຜູ້ຊ່ຽວຊານດ້ານ ສິ່ງແວດລ້ອມ, ສັງຄົມ ແລະ ລັດຖະບານ (ESG) ວ່າເປັນການສ້າງມາດຕະຖານໃໝ່ ບໍ່ພຽງແຕ່ໃນວົງການບັນເທີງ ແຕ່ໃຫ້ກັບທຸລະກິດຕ່າງໆທີ່ຕ້ອງມີການດຳເນີນໄປຢ່າງຍືນຍົງ ແລະ ມີຄວາມຮັບຜິດຊອບຕໍ່ສັງຄົມ. #econewslaos #sustainablebusiness

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
08 October, 2024
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
25 September, 2024
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
ດັດຊະນີປະສິດທິພາບດ້ານສິ່ງແວດລ້ອມປີ 2024 (Environmental Performance Index : EPI) ເຊິ່ງຈັດໂດຍສູນກົດໝາຍ ແລະ ນະໂຍບາຍສິ່ງແວດລ້ອມແຫ່ງມະຫາວິທະຍາໄລເຢລ (Yale Center for Environmental Law & Policy) ແລະ ສູນເຄືອຂ່າຍຂໍ້ມູນວິທະຍາສາດໂລກຂອງມະຫາວິທະຍາໄລໂຄລໍາເບຍ (Columbia) ເຊິ່ງໄດ້​ເຜີຍແຜ່ຜົນການຈັດ​ອັນ​ດັບ​​ປະ​ເທດຕ່າງໆ​​ທົ່ວ​ໂລກ​ໃນດ້ານຄວາມ​ຍືນ​ຍົງ ​ແລະ ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​.