ຂົວຟອງເຊົາທີ່ຕັ້ງຢູ່ແຂວງຟຸໂຖ “Phu Tho province” ທາງພາກເໜືອຂອງປະເທດຫວຽດນາມ ໄດ້ພັງລົງສູ່ແມ່ນໍ້າແດງຊ່ວງເວລາ ປະມານ 10 ໂມງເຊົ້າ ໃນຂະນະທີ່ລົດກຳລັງສັນຈອນຂ້າມຂົວ. ຈາກການລາຍງານຂອງເຈົ້າໜ້າທີ່ ພົບວ່າມີພາຫະນະຈຳນວນ 10 ຄັນເຊິ່ງປະກອບດ້ວຍລົດໃຫຍ່ ແລະ ລົດຈັກທີ່ຕົກລົງສູ່ແມ່ນໍ້າ ເຊີ່ງເຫດການນິ້ມີຜູ້ເສຍຊິວິດ 1 ຄົນ, ໄດ້ຮັບການຊ່ວຍເຫຼືອແລ້ວ 3 ຄົນ ແລະ ຍັງສືບຕໍ່ຄົ້ນຫາອີກ 7 ຊິວິດ. ຍິ່ງໄປກວ່ານັ້ນ, ການຈາລະຈອນໄດ້ຖືກຕັດຂາດ ເນື່ອງຈາກການຫັກຂອງຂົວ.
ໂດຍໃນປະຈຸບັນ, ທາງການຂອງຫວຽດນາມໄດ້ມີການສ້າງຂົວຊົ່ວຄາວຂື້ນເພື່ອຟື້ນຟູການສັນຈອນລະຫວ່າງສອງເຂດ ໂດຍຂົວດັ່ງກ່າວສາມາດຮອງຮັບນໍ້າໜັກໄດ້ບໍ່ເກີນ 10 ໂຕນ ເຊີ່ງນຳໃຊ້ໄດ້ສະເພາະແຕ່ພະຫານະເບົາເຊັ່ນ: ລົດຖີບ, ລົດຈັກ ແລະ ຄົນຍ່າງ. ໃນສ່ວນຂອງຂົວທີ່ຫັກນັ້ນ, ລັດຖະບານຫວຽດນາມໄດ້ມີແຜນທີ່ຈະສ້າງຄືນໃໝ່ ແລະ ຍັງຢູ່ໃນຂັ້ນຕອນຂອງການສຶກສາ ເພື່ອສ້າງ ແລະ ອອກແບບຂົວໃຫ້ມີຄວາມທົນທານຕໍ່ກັບສະພາບການປ່ຽນແປງຂອງອາກາດ.
#econewslaos#TyphoonYagi
ຂໍ້ມູນອ້າງອີງ:
