ຜົນກະທົບຂອງການປ່ຽນແປງດິນຟ້າອາກາດຕໍ່ການເກັບກູ້ລະເບີດທີ່ຍັງບໍ່ທັນແຕກ
ຜົນກະທົບຂອງການປ່ຽນແປງດິນຟ້າອາກາດຕໍ່ການເກັບກູ້ລະເບີດທີ່ຍັງບໍ່ທັນແຕກ
14 July, 2023
Share now
ໃນວັນທີ 11 ເດືອນກໍລະກົດທີ່ຜ່ານມາ, ທາງອົງການສະຫະປະຊາຊາດເພື່ອການພັດທະນາ ປະຈໍາ ສ.ປ.ປ. ລາວໄດ້ເຜີຍແຜ່ເຖິງເນື້ອໃນການໃຫ້ສໍາພາດກັບສື່ສໍານັກຂ່າວ CGTN ຂອງປະເທດຈີນກ່ຽວກັບ “ວຽກງານການເກັບກູ້ລະເບີດທີ່ບໍ່ທັນແຕກ ແລະ ຜົນກະທົບຂອງພາວະການປ່ຽນແປງດິນຟ້າອາກາດຕໍ່ກັບວຽກງານການດັ່ງກ່າວ” ເພື່ອນໍາຂໍ້ມູນ ແລະ ບົດສໍາພາດມາປະກອບເຂົ້າໃນສາລະຄະດີ “Legacies of War: ໄພທີ່ຫຼົງເຫຼືອຈາກສົງຄາມ” ທີ່ຈະອອກສາຍສະບັບເຕັມໃນເດືອນ ພະຈິກ 2023 ທີ່ຈະມາເຖິງນີ້.

ທ່ານນາງ ແຄັດເທີລິນ ເຟືອງ, ຮອງຜູ້ຕາງໜ້າຮັກສາການອົງການສະຫະປະຊາຊາດ ເພື່ອການຳພັດທະນາ ປະຈໍາ ສ.ປ.ປ. ລາວ, ຜູ້ໃຫ້ສໍາພາດໄດ້ກ່າວເຖິງຜົນກະທົບຄວາມຫຍຸ້ງຍາກລໍາບາກໃນວຽກງານເກັບກູ້ລະເບີດທີ່ຍັງບໍ່ທັນແຕກອັນເປັນຜົນມາຈາກການປ່ຽນແປງດິນຟ້າອາກາດ (Climate Change) ທີ່ເກີດຂຶ້ນເຊັ່ນວ່າ: ໄພພິບັດຕ່າງໆເຊັ່ນ: ຝົນຕົກ, ນໍ້າຖ້ວມ, ພາຍຸ ແລະ ອື່ນໆສາມາດກະຕຸ້ນໃຫ້ເກີດການລະເບີດກ້ອງໜ້າດິນ ແລະ ຍັງສາມາດເຄື່ອນຍ້າຍລະເບີດທີ່ບໍ່ທັນແຕກນັ້ນກັບໄປສຸ່ເຂດທີ່ໄດ້ຮັບການເກັບກູ້ໝົດແລ້ວຄືນ, ອີກທັງ ການເພີ່ມຂຶ້ນຂອງລະດັບນໍ້າເທິງໜ້າດິນ ແລະ ການເຊາະເຈື່ອນຂອງດິນນັ້ນ ຍັງສາມາດເຄື່ອນລະເບີດໄປສູ່ເຂດທີ່ຢູ່ອາໄສຂອງປະຊາຊົນໄດ້ເປັນຕົ້ນ.

ນອກຈາກທີ່ກ່າວມາຂ້າງເທິງນີ້ແລ້ວ, ລູກລະເບີດຍັງມີການເສື່ອມສະພາບໄວກວ່າປົກກະຕິໃນສະພາບອາກາດທີ່ຮ້ອນຂຶ້ນ ແລະ ການເກີດຂຶ້ນຢ່າງຕໍ່ເນື່ອງຂອງໄພທໍາມະຊາດຍັງໄດ້ເຮັດໃຫ້ເກີດຄວາມຫຍຸ້ງຍາກຕໍ່ການຄົ້ນຫາລູກລະເບີດທີ່ບໍ່ທັນແຕກຂະໜາດນ້ອຍ ໂດຍມີອັດຕາທີ່ຈະຫຼົ້ມເຫຼວເຖິງ 30%.

ຜ່ານການສໍາພາດດັ່ງກ່າວໄດ້ເນັ້ນຢໍ້າໃຫ້ເຮົາເຫັນເຖິງຜົນກະທົບຂອງການປ່ຽນແປງດິນຟ້າອາກາດ (Climate Change) ທີ່ໄດ້ກາຍເປັນບັນຫາສ້າງຄວາມລໍາບາກຕໍ່ກັບວຽກງານຫຼາຍຂະແໜງການ, ລວມເຖິງວຽກການເກັບກູ້ລະເບີດ ໂດຍສະເພາະປະເທດລາວທີ່ຖືກຖິ້ມລະເບີດ(ຕໍ່ຫົວຄົນ)ລົງມາຫຼາຍທີ່ສຸດໃນໂລກ ແລະ ຍັງມີບັນຫາລູກລະເບີດບໍ່ທັນແຕກຄົງຄ້າງມາຕັ້ງແຕ່ສະໄໝສົງຄາມອິນໂດຈີນເປັນຈໍານວນຫຼາຍໃນປັດຈຸບັນ.

#econewslaos #climatechange #undplaos

ແຫຼ່ງຂໍ້ມູນຈາກ:

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
08 October, 2024
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
25 September, 2024
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
ດັດຊະນີປະສິດທິພາບດ້ານສິ່ງແວດລ້ອມປີ 2024 (Environmental Performance Index : EPI) ເຊິ່ງຈັດໂດຍສູນກົດໝາຍ ແລະ ນະໂຍບາຍສິ່ງແວດລ້ອມແຫ່ງມະຫາວິທະຍາໄລເຢລ (Yale Center for Environmental Law & Policy) ແລະ ສູນເຄືອຂ່າຍຂໍ້ມູນວິທະຍາສາດໂລກຂອງມະຫາວິທະຍາໄລໂຄລໍາເບຍ (Columbia) ເຊິ່ງໄດ້​ເຜີຍແຜ່ຜົນການຈັດ​ອັນ​ດັບ​​ປະ​ເທດຕ່າງໆ​​ທົ່ວ​ໂລກ​ໃນດ້ານຄວາມ​ຍືນ​ຍົງ ​ແລະ ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​.