WHO ລາຍງານວ່າ 99% ຂອງປະຊາກອນທົ່ວໂລກກໍລັງຫາຍໃຈເອົາອາກາດປົນເປື້ອນ
WHO ລາຍງານວ່າ 99% ຂອງປະຊາກອນທົ່ວໂລກກໍລັງຫາຍໃຈເອົາອາກາດປົນເປື້ອນ
03 May, 2022
Share now
ບົດລາຍງານຈາກອົງການອະນາໄມໂລກທີ່ເກັບຂໍ້ມູນມາຈາກ 6.000 ເມືອງໃນ 117 ປະເທດທົ່ວໂລກ ແລະພົບວ່າ 99% ຂອງປະຊາກອນໂລກອາໄສຢູ່ໃນພື້ນທີ່ທີ່ມີລະດັບມົນລະພິດທາງອາກາດສູງ ເຊິ່ງມົນລະພິດເຫຼົ່ານີ້ກໍາລັງເຮັດໃຫ້ສຸຂະພາບຂອງທຸກຄົນມີຄວາມສ່ຽງໃນການເປັນພະຍາດເພີ່ມຂຶ້ນ. ຄ່າຝຸ່ນລະອອງຂະນາດນ້ອຍ(PM10,PM2.5) ແລະ ນີໂຕຣແຊນດີອົກຊິດ (NO2) ຝຸ່ນຂະໜາດນ້ອຍເຫຼົ່ານີ້ສາມາດທໍາລາຍລະບົບທາງເດີນຫາຍໃຈໄດ້ຢ່າງຮຸນແຮງ, ເຊິ່ງມັນຈະແຊກຊຶມເຂົ້າໄປໃນປອດແລະເຂົ້າສູ່ກະແສເລືອດ, ໃນຂະນະທີ່ທາດນີໂຕແຊນດີອົກຊິດ ທີ່ເກີດຈາກຄວັນລົດແມ່ນກໍ່ໃຫ້ເກີດພະຍາດທາງເດີນຫາຍໃຈເຊັ່ນ: ພະຍາດຫອບຫືດ, ພະຍາດທາງປອດແລະຜົນຂ້າງຄຽງຕ່າງໆທີ່ຕາມມາເຊັ່ນ: ອາການໄອແລະຫາຍໃຈບໍ່ສະດວກ.

ທາງອົງການອະນາໄມໂລກກໍມີການຄາດຄະເນວ່າ ໃນແຕ່ລະປີຈະມີຄົນເສຍຊີວິດຈາກມົນລະພິດທາງອາກາດສູງເຖິງ 7 ລ້ານຄົນ, ເຊິ່ງແບ່ງອອກເປັນ 4.2 ລ້ານຄົນ ທີ່ເສຍຊີວິດຈາກການຫາຍໃຈເອົາມົນລະພິດທາງອາກາດພາຍນອກອາຄານ ແລະ ອີກຈໍານວນ 3.8 ລ້ານຄົນ ຈະເສຍຊີວິດຈາກຄວັນລົດໄຟໃນຄົວເຮືອນທີ່ເກີດຈາກເຕົາແລະເຊື້ອໄຟທີ່ບໍ່ສະອາດ, ເຊິ່ງໝາຍຄວາມວ່າ ມະນຸດເຮົາຈະມີຄວາມສ່ຽງເປັນໂຣກຫົວໃຈແລະໂຣກຕ່າງໆທີ່ກ່ຽວກັບທາງເດີນຫາຍໃຈຫຼາຍຂຶ້ນ. ອີກຜົນງານວິໄຈຂອງປະເທດໂຮນລັງກໍພົບຂໍ້ມູນທີ່ໜ້າຕົກໃຈກໍຄື ພົບໄມໂຄຣປລາສຕິກທີ່ມີຂະໜາດເສັ້ນຜ່າສູນກາງນ້ອຍກວ່າ 5 ມິນລີແມັດຢູ່ໃນກະແສເລືອດຂອງຄົນທົ່ວໄປ, ເຊິ່ງນັບວ່າເປັນອັນຕະລາຍຕໍ່ລະບົບພູມຄຸ້ມກັນຕ່າງໆໃນຮ່າງກາຍ.

ນອກຈາກນີ້, ຍັງພົບວ່າ ບັນດາເມືອງໃນປະເທດທີ່ມີລາຍໄດ້ຕໍ່າ ແລະ ລາຍໄດ້ປານກາງນ້ອຍກວ່າ 1% ມີຄຸນະພາບອາກາດເປັນໄປຕາມເກນແນະນໍາຂອງ WHO. ໃນຂະນະທີ່ປະເທດທີ່ມີລາຍໄດ້ສູງ 17% ທີ່ມີຄຸນະພາບອາກາດຕໍ່າກວ່າເກນແນະນໍາຂອງ WHO ໃນດ້ານຝຸ່ນລະອອງຂະໜາດນ້ອຍ (PM2.5 ຫຼື PM10). ຈາກການລາຍງານດັ່ງກ່າວ, ໄດ້ສະທ້ອນໃຫ້ເຫັນເຖິງຄວາມກ່ຽວເນື່ອງກັນລະຫວ່າງເສດຖະກິດ ແລະ ສິ່ງແວດລ້ອມ. ຍິ່ງປະເທດດັ່ງກ່າວຫາກມີການຂະຫຍາຍຕົວດ້ານເສດຖະກິດຫຼາຍເທົ່າໃດ ກໍຍິ່ງສົ່ງຜົນກະທົບກໍ່ໃຫ້ເກີດມີມົນລະພິດທາງອາກາດເພີ່ມຂຶ້ນເທົ່ານັ້ນ.

ແຫຼ່ງອ້າງອີງ:https://www.who.int/.../air.../who-air-quality-databasehttps://www.thaipost.net/abroad-news/118011/https://www.thairath.co.th/news/foreign/2360512

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
08 October, 2024
ພາຍຸໄຕ້ຝຸ່ນຂັ້ນຮຸນແຮງຢາກິ (Super Typhoon Yagi) ສ້າງຄວາມເສຍຫາຍຕໍ່ເນື່ອງພາໃຫ້ຂົວທີ່ຫວຽດນາມພັງເສຍຫາຍ
ໃນຊ່ວງຕົ້ນເດືອນກັນຍາທີ່ຜ່ານມາ, ຫວຽດນາມເປັນປະເທດໜື່ງທີ່ຜະເຊີນກັບພາຍຸໄຕ້ຝຸ່ນທີ່ຮຸນແຮງໃນຮອບຫຼາຍປີ.​ ປະຊາຊົນຫຼາຍພັນຊິວິດໄດ້ຮັບຜົນກະທົບຈາກນໍ້າຖ້ວມຂັງ, ບ້ານເຮືອນຫຼາຍຫຼັງຄາຖືກລົມພັດປິວ ແລະ ຮ້າຍແຮງໄປກວ່ານັ້ນ, ຂົວຟອງເຊົາ “Phong Châu” ທີ່ເປັນໜື່ງໃນຂົວທີ່ມີຜູ້ຄົນນໍາໃຊ້ເປັນຈຳນວນຫຼາຍ ໄດ້ຫັກລົງໃນເມື່ອຕອນເຊົ້າຂອງວັນທີ 9 ເດືອນກັນຍາທີ່ຜ່ານມາ ເນື່ອງຈາກອິດທິພົນຂອງພາຍຸຢາກິທີ່ສົ່ງຜົນໃຫ້ເກີດຝົນຕົກແຮງ ແລະ ດິນຖະຫຼົ່ມ ເຊີ່ງໂຄງສ້າງຂອງຂົວເອງກໍບໍ່ສາມາດຮອງຮັບກຳລັງແຮງຂອງພາຍຸໄດ້.
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
25 September, 2024
10 ອັນດັບປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດໃນປີ 2024
ດັດຊະນີປະສິດທິພາບດ້ານສິ່ງແວດລ້ອມປີ 2024 (Environmental Performance Index : EPI) ເຊິ່ງຈັດໂດຍສູນກົດໝາຍ ແລະ ນະໂຍບາຍສິ່ງແວດລ້ອມແຫ່ງມະຫາວິທະຍາໄລເຢລ (Yale Center for Environmental Law & Policy) ແລະ ສູນເຄືອຂ່າຍຂໍ້ມູນວິທະຍາສາດໂລກຂອງມະຫາວິທະຍາໄລໂຄລໍາເບຍ (Columbia) ເຊິ່ງໄດ້​ເຜີຍແຜ່ຜົນການຈັດ​ອັນ​ດັບ​​ປະ​ເທດຕ່າງໆ​​ທົ່ວ​ໂລກ​ໃນດ້ານຄວາມ​ຍືນ​ຍົງ ​ແລະ ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​.