ເພື່ອບັນລຸຈຸດປະສົງຂອງໂຄງການ, ເມື່ອວັນທີ 16-17 ເດືອນ ຕຸລາ ໄດ້ມີການເຕົ້າໂຮມບັນດາຄູ່ຮ່ວມມືເຂົ້າຮ່ວມເຝິກອົບຮົມເພື່ອກະກຽມຄວາມພ້ອມໃນການຈັດຕັ້ງປະຕິບັດໂຄງການໃນຕົ້ນປີ 2025 ນີ້. ສຳລັບຄູ່ຮ່ວມມືທີ່ເຂົ້າຮ່ວມນັ້ນແມ່ນມາຈາກ 6 ປະເທດ. ໃນນີ້, 3 ປະເທດໄດ້ມີການຈັດຕັ້ງປະຕິບັດມາຕັ້ງແຕ່ໄລຍະທີ 1 ແລະ ມີການສືບຕໍ່ໃນໄລຍະທີ 2 ເຊິ່ງປະກອບມີ ສູນການຄົ້ນຄວ້າທາງອາຊີຕາເວັນອອກສ່ຽງໃຕ້ ຈາກປະເທດອິນໂດເນເຊຍ Centre for Southeast Asian Studies (Indonesia), ມະຫາວິທະຍາໄລຟີລິບປິນດິລິມັງ ປະເທດຟີລິບປິນ the University of the Philippines Diliman (Philippines) ແລະ ມະຫາວິທະຍາໄລຈຸລາລົງກອນ ປະເທດໄທ Chulalongkorn University (Thailand). ໂດຍໃນໄລຍະທີ 2 ນີ້ກໍມີ 3 ປະເທດຄູ່ຮ່ວມມືໃໝ່ ເຂົ້າຮ່ວມໂຄງການໄດ້ແກ່ ກະຊວງສິ່ງແວດລ້ອມ ແຫ່ງ ກຳປູເຈຍ the Ministry of Environment of Cambodia, ອີໂຄນອກສ໌ ຈາກ ປະເທດ ລາວ Econox (Laos) ແລະ ໂນປາ ດີໄຊນ໌ ປະເທດຫວຽດນາມ Nopa Design (Viet Nam).

ຕະຫຼອດໄລຍະເວລາ 2 ມື້ ຂອງການເຝິກອົບຮົມ, ທາງຄູ່ຮ່ວມມືໄດ້ມີການຮຽນຮູ້ ຈາກຜູ້ຊ່ຽວຊານ ແລະ ໄດ້ເຮັດວຽກຮ່ວມກັນເພື່ອດຳເນີນການສຶກສາ ການຫັນປ່ຽນພຶດຕິກຳ ຜ່ານການຈຳລອງບົດບາດ ເພື່ອສຶກສາມຸມມອງຂອງຜູ້ບໍລິໂພກ ແລະ ຜູ້ຜະລິດ ຕໍ່ກັບການຊົມໃຊ້ປລາສຕິກ. ໂດຍການສຶກສານັ້ນແມ່ນອີງໃສ່ການວິເຄາະ,​ການໄຈ້ແຍກຂໍ້ມູນ ໃນແຕ່ລະກໍລະນີສຶກສາ ແລະ ນຳເອົາຜົນການຄົ້ນຄວ້າມາສ້າງເປັນແບບຈຳລອງ (Prototype) ເພື່ອເປັນການອະທິບາຍແນວຄິດການແກ້ໄຂບັນຫາຢ່າງເປັນຮູບປະທຳ.

ພາຍຫຼັງການເຝິກອົບຮົມ, ໃນວັນທີ 18 ເດືອນຕຸລາກໍຖືເປັນງານເປີດຕົວໂຄງການໄລຍະທີ່ 2 ຢ່າງເປັນທາງການ.​ ໂດຍໃນພິທີດັ່ງກ່າວໄດ້ມີການເຂົ້າຮ່ວມຈາກບັນດາຄູ່ຮ່ວມງານ, ພາກສ່ວນລັດ, ເອກະຊົນ ແລະ ການຈັດຕັ້ງທາງສັງຄົມຕ່າງໆ ເພື່ອສຶກສາເຖິງບົດບາດຂອງພຶດຕິກຳໃນການຫຼຸດຜ່ອນສິ່ງເສດເຫຼືອໃນພາກພື້ນອາຊຽນ ຜ່ານວາລະຕ່າງໆພາຍໃນງານ. ໜື່ງໃນວາລະທີ່ສຳຄັນໃນງານຄັ້ງນີ້ກໍຄື ການນຳສະເໜີບັນດາໂຄງການຈາກຄູ່ຮ່ວມງານໃນໄລຍະທີ 2 ເຊີ່ງແຕ່ລະໂຄງການໄດ້ມີການລົງເລິກເຖິງຈຸດປະສົງ ແລະ ຄາດຄະເນຜົນໄດ້ຮັບໃນການຈັດຕັ້ງປະຕິບັດເພື່ອປ່ຽນແປງພຶດຕິກຳຕໍ່ກັບການຊົມໃຊ້ປລາສຕິກ. ໃນສ່ວນຂອງສປປ ລາວ, ທາງ ຕາງໜ້າຂອງ ອີໂຄນອກສ໌ ລາວ Econoxlaos ກໍໄດ້ນຳສະເໜີໂຄງການ Plastic Free Laos ໂດຍເນັ້ນໃສ່ການພັດທະນາການໃຫ້ບໍລິການ ແລະ ຜະລິດຕະພັນຂອງ “ເຊົ່າຈອກເຈົ້າ” ຫຼື Rent Your Cup ໃຫ້ມີຄວາມໜ້າສົນໃຈຫຼາຍຂື້ນ ເຊີ່ງໂຄງການດັ່ງກ່າວຈະໄດ້ເລີ່ມຈັດຕັ້ງປະຕິບັດໃນຕົ້ນປີ 2025 ເປັນຕົ້ນໄປ.

ລາຍລະອຽດເພີ່ມຕື່ມຂອງກິດຈະກຳສາມາດຕິດຕາມໄດ້ດ້ານລຸ່ມນີ້:

https://rkcmpd-eria.org/news/breaking-the-plastic-habit-in-asia-project-phase-ii-leveraging-behavioural-insights-to-tackle-plastic-waste-in-asean

#econewslaos #combatingplasticpollution #rentyourcup #bahaviorchange