ການອອກມາດຕະການດັ່ງກ່າວນີ້ແມ່ນອີງຕາມມະຕິຂອງສະພາບໍລິຫານ ເລກທີ 124 ປີ 2023 ວ່າດ້ວຍການນຳໃຊ້ຜະລິດຕະພັນທີ່ໃຊ້ແລ້ວຖີ້ມແບບເທື່ອດຽວ (Single-use products) ໂດຍມີຜົນບັງຄັບໃຊ້ນັບຕັ້ງແຕ່ວັນທີ 1 ເດືອນ ມັງກອນ 2024 ເປັນຕົ້ນໄປ ໂດຍແນໃສ່ເຖິງຜົນກະທົບຂອງບັນດາປລາສຕິກຕໍ່ກັບສະພາບແວດລ້ອມປັດຈຸບັນ. ທັງນີ້, ມາດຕະການເກືອດຫ້າມດັ່ງກ່າວຍັງຖືເປັນການສົ່ງເສີມໃຫ້ມີການຊົມໃຊ້ສິນຄ້າທີ່ຜະລິດຈາກ ວັດສະດຸທີ່ນຳກັບມາໃຊ້ຄືນໃໝ່ (Reuseable Products). ໃນເວລາດຽວກັນ, ກໍເປັນການປູກຈິດສຳນຶກໃຫ້ຜູ້ຄົນໄດ້ຫັນປ່ຽນແບບແຜນການໃຊ້ຊິວິດໃຫ້ມີຄວາມເປັນມິດກັບສິ່ງແວດລ້ອມຫຼາຍຂື້ນ (eco-friendly lifestyle) ເພື່ອເປັນການຫຼຸດຜ່ອນການສ້າງຂີ້ເຫຍື້ອ.

ໃນສ່ວນຂອງປລາສຕິກທີ່ຖືກເກືອດຫ້າມນັ້ນໄດ້ເນັ້ນໃສ່ປລາສຕິກປະເພດໃຊ້ເທື່ອດຽວແລ້ວຖີ້ມ ອັນໄດ້ແກ່ ບັນຈຸພັນຈາກການຂົນສົ່ງອາຫານ, ຖົງປລາສຕິກທີ່ມີຄວາມໜາ ແລະ ອື່ນໆ. ນັບຕັ້ງແຕ່ປີ 2025, ປລາສຕິກປະເພດບ່ວງຢາງຄົນກາເຟ, ທໍ່ດູດ, ກ່ອງໂຟມໃສ່ອາຫານ, ຈອກຢາງຈະຖືກຈັດເຂົ້າເປັນປລາສຕິກເກືອດຫ້າມເຊັ່ນດຽວກັນ. ພ້ອມນັ້ນ, ບັນດາຖ້ວຍບ່ວງທີ່ເປັນປລາສຕິກ,​ ຝາປິດ ແລະ ປລາສຕິກອື່ນໆກໍຈະຖືກເກືອດຫ້າມນັບຕັ້ງແຕ່ປີ 2026 ເປັນຕົ້ນໄປ. ແນວໃດກໍຕາມ, ກໍຍັງມີບາງປະເພດປລາສຕິກທີ່ໄດ້ຮັບການຍົກເວັ້ນເຊັ່ນ: ຖົງປລາສຕິກສຳລັບໃສ່ຂີ້ເຫຍື້ອ, ຟີມຫຸ້ມຫໍ່ອາຫານ, ແລະ ບັນຈຸພັນປລາສຕິກທີ່ໃຊ້ສຳລັບການສົ່ງອອກ.

#econewslaos #Sustainability #plasticfree

References:

https://www.packaging-gateway.com/news/dubai-plastic-bag-ban/

https://www.packaging-gateway.com/news/dubai-initiative-recycling-waste/

https://www.ditp.go.th/post/160372

https://www.sustainableplastics.com/news/ban-single-use-plastics-bags-comes-force-dubai?fbclid=IwZXh0bgNhZW0CMTAAAR0wBWZS5t5Ebw2rRE_f_PuT5FTXXRcqb7Mf2eSllHUXVl05hwwQdVe8i78_aem_AXPl4IczPfxdvw9Xj8FlTjjKjkX4h7f_MBIIPAZtJW9doyouv_k99fFjUsO5Tzbb3NfPehn55Rlt3lWg8rQVjCHb