ດັ່ງທີ່ພວກເຮົາຮູ້ກັນວ່າ ບັນດາສັດຕ່າງໆໃນໂລກນີ້ລ້ວນແຕ່ມີບົດບາດໃນການເສີມສ້າງລະບົບນິເວດທີ່ດີ. ສະນັ້ນ, ການປົກປ້ອງສັດກໍຄວນເປັນອີກໜຶ່ງບູລິມະສິດທີ່ຈຳເປັນຕ້ອງໄດ້ເອົາໃຈໃສ່ ໂດຍສະເພາະແມ່ນການປັບປຸງມາດຕະຖານການເບີ່ງແຍງລ້ຽງດູ, ສ້າງສະພາບແວດລ້ອມທີ່ເໝາະສົມ ຕະຫຼອດເຖິງການຄຸ້ມຄອງພວກເຂົາບໍ່ໃຫ້ຖືກຈັບ ຖືກລ່າ ແລະ ຖືກຂາຍ ເພາະພວກເຂົາກໍມີສິດໃນການອາໄສໃນໂລກໜ່ວຍນີ້ ດັ່ງຄຳຂວັນໃນວັນສັດໂລກຂອງປີນີ້ທີ່ວ່າ “The world is their home too!”
ເພື່ອສະເຫຼີມສະຫຼອງວັນສັດໂລກຢ່າງມີຄວາມໝາຍຄວາມສຳຄັນ, ບັນດາສະມາຄົມ, ມູນນິທິ, ໂຮງຮຽນ, ສະຖາບັນ ແລະ ຫົວໜ່ວຍທຸລະກິດຕ່າງໆໃນທົ່ວໂລກໄດ້ມີການເຄື່ອນໄຫວສ້າງຄວາມຕະໜັກຮູ້ ໃນການປົກປ້ອງ ແລະ ລ້ຽງດູສັດຜ່ານ ການເຝິກອົບຮົມ, ກິດຈະກຳປູກຈິດສຳນຶກ ເຊັ່ນ: ກິດຈະກຳສ້າງຄວາມຜູກພັນລະຫວ່າງຄົນ ແລະ ສັດຜ່ານເກມ (Human-animal bond through The Great Dog Game), ການປະສົມປະສານເລື່ອງລາວການປົກປ້ອງສັດເຂົ້າສູ່ບົດຮຽນໃນຫ້ອງຮຽນ, ການເຮັດໝັນໃຫ້ໝາ ແລະ ແມວຟຣີເພື່ອສະເຫຼີມສະຫຼອງວັນສັດໂລກ ຕະຫຼອດເຖິງ ການຮັບບໍລິຈາກ ຂອງມູນນິທິເພື່ອສົ່ງເສີມການສ້າງສະພາບແວດລ້ອມທີ່ດີໃຫ້ແກ່ສັດໃນການດຳລົງຊິວິດ.
ຍິ່ງໄປກວ່ານັ້ນ, ພວກເຮົາທຸກຄົນກໍຍັງສາມາດເປັນກະບອກສຽງ ໃນການປົກປ້ອງສັດຂອງພວກເຮົາຜ່ານການນຳໃຊ້ສື່ສັງຄົມອອນລາຍ ໃນການແບ່ງປັນການລ້ຽງດູ ແລະ ການປົກປ້ອງ ເຊີ່ງທາງ Econews Laos ຂໍເຊີນຊວນໝູ່ເພື່ອນທຸກຄົນ ຮ່ວມສະແດງຄວາມຄິດເຫັນ ແລະ ແບ່ງປັນ ວິທີການປົກປ້ອງສັດ ຫຼື ສັດລ້ຽງຂອງຕົນເອງ ໃນກ້ອງ comments ດ້ານລຸ່ມນີ້ ເພື່ອເປັນການສ້າງຂະບວນການສະເຫຼີມສະຫຼອງວັນສັດໂລກ.
#econewslaos#WorldAnimalDay
ແຫຼ່ງຂໍ້ມູນອ້າງອີງ:
